اسلام آباد (مانیٹرنگ ڈیسک) بھارتی فوج نے پاکستان کی مشرقی سرحد پر فوجی تیاریوں میں اضافہ کر دیا ۔میڈیا رپورٹس کے مطابق بھارت نے پاکستان کی مشرقی سرحد پر فوجی تیاریوں میں اضافہ کر دیا ہےاور تمام فوجی و فضائی اڈوں پر ہائی الرٹ کر دیا گیا ہے۔دوسری جانب اقوامِ متحدہ (یو این) نے دونوں ممالک سے زیادہ سے زیادہ تحمل سے کام لینے کی اپیل کردی۔غیرملکی خبررساں ادارے کے مطابق اقوامِ متحدہ کے سیکریٹری جنرل کے ترجمان
اسٹیفین دجارک نے ایک سوال کے جواب میں ای میل کے ذریعے بیان دیتے ہوئے کہا کہ پاکستان اور بھارت میں افواج کی نگرانی کرنے والے اقوامِ متحدہ کے گروپ (یو این موگپ) نے اس بات کی نشاندہی کی ہے کہ حالیہ عرصے میں لائن آف کنٹرول پر فوجی سرگرمیوں میں اضافہ ہواہے،بیان میں کہا گیا کہ اقوامِ متحدہ دونوں ممالک سے زیادہ سے زیادہ تحمل کا مظاہرہ کرنے اور اس بات کو یقینی بنانے کی اپیل کرتی ہے کہ صورتحال مزید نہ بگڑے۔
