اسلام آباد (این این آئی) سپریم کورٹ نے بیوی کی قابل اعتراض تصویر انٹرنیٹ پر ڈالنے سے متعلق کیس کی سماعت کے دوران مسماۃ ذیشان ضیا راجہ کی شوہر ندیم کیخلاف ضمانت منسوخی کی درخواست مسترد کر دی ۔ پیر کو چیف جسٹس کی سربراہی میں تین رکنی بنچ نے سماعت کی ۔سماعت کے دور ان عدالت نے مسماۃ ذیشان ضیا راجہ کی شوہر ندیم کیخلاف ضمانت منسوخی کی درخواست مسترد کر دی ۔ چیف جسٹس نے کہاکہ ہائیکورٹ نے ملزم کو ضمانت پر رہا کر دیا ہے۔چیف جسٹس نے کہاکہ تصویر میں ملزم خود بھی موجود ہے۔چیف جسٹس نے کہا کہ اپنی فحش تصویر
کوئی خود تو نہیں لگاتا۔چیف جسٹس نے کہاکہ کوئی اپنی بے عزتی خود تو نہیں کرتا۔ عدالت نے کہاکہ درخواست گزار اور ملزم کے درمیان خاندانی اور کاروباری تنازعات چل رہے ہیں۔ عدالت نے کہا کہ خاتون نے الزام لگایا کہ شوہر نے اس کا ای میل ہیک کیا ہے۔عدالت نے کہا کہ ہائیکورٹ نے فیصلے میں کہا کہ ہیکنگ کا کوئی ثبوت نہیں ملا۔عدالت نے کہا کہ استغاثہ ثابت کرنے میں ناکام رہا کہ ای میل ہیک ہوا۔عدالت نے کہا کہ ملزم ندیم کی تفتیش کی کوئی ضرورت نہیں۔یاد رہے کہ درخواست گزار اور ملزم لاہور میں ایک مشہور اسکول کے مالک ہیں۔
