اسلام آباد ( آن لائن ) ضمنی انتخابات میں پہلی بار سمندر پار پاکستانیوں نے بھی اپنا حق رائے دہی استعمال کیا۔ الیکشن کمیشن کی جانب سے سمندر پار پاکستانیوں کو انتخابی عمل کا حصہ بنانے کے لیے اقدامات کیے گئے اور انہیں پہلے بطور ووٹر رجسٹرڈ کیا گیا ہے۔الیکشن کمیشن کے مطابق سمندر پار پاکستانیوں کو ووٹنگ کے وقت پاسپورٹ کی ضرورت نہیں ہے، ووٹرز کو ووٹر پاس ای میل آئی ڈی مہیا کیا گیا ہے جس کے ذریعے
انہوں نے اپنا ووٹ کاسٹ کیا ۔ الیکشن حکام نے بتایا کہ سمندر پار 7،364پاکستانی بطور ووٹرز رجسٹر کیے گئے ہیں جن میں سے اب تک بیرون ملک مقیم 1400 پاکستانی ووٹ کاسٹ کرچکے ہیں۔الیکشن کمیشن کے مطابق سمندرپار پاکستانیوں نے اپنا ووٹ پاکستانی وقت کے مطابق کاسٹ کیا ۔الیکشن کمیشن نے سمندر پار پاکستانیوں کو ووٹ ڈالنے سے متعلق طریقہ کار کے لیے ٹاسک فورس کی آئی ووٹنگ رپورٹ ویب سائٹ پر جاری کی ہے
