کراچی(این این آئی)پاکستان پیپلز پارٹی کراچی ڈویژن کے صدراور نومنتخب رکن سندھ اسمبلی سعید غنی نے کہا ہے کہ عمران اسماعیل جھوٹوں کے سردار ہیں اور یہی خوبی دیکھ کر عمران نیازی نے انہیں سندھ کے گورنر کے کے لئے نامزد کیا ہے۔پی ٹی آئی رہنماعمران اسماعیل کے بیان پر ردعمل دیتے ہوئے سعید غنی نے کہا کہ عمران اسماعیل عوام کے ووٹوں سے نہیں بلکہ جھرلو کے ذریعے منتخب ہوئے ہوں۔عمران نیازی، ایم کیو ایم کے

زیر سایہ سندھ کو مسخر کرنے میں کامیاب نہیں ہونگے۔انہوں نے کہاکہ عمران اسماعیل کراچی کی فکر چھوڑ کر پی ٹی آئی کا گند صاف کریں،بیانیہ ایم کیو ایم کا اور زبان پی ٹی آئی کی ہے، پولیس کو غیرسیاسی کرنے کے اعلان سے پہلے عمران اسماعیل یاد رکھیں گورنر شپ بھی ایک غیر سیاسی عہدہ ہے۔پیپلز پارٹی کراچی کے صدرنے کہاکہ میئر کراچی کے لئے نہیں عمران اسماعیل اپنے دوست وسیم اختر کے لئے آمرانہ اختیارات مانگ رہے ہیں۔

موضوعات:سعید غنی عمران اسماعیل