اسلام آباد(مانیٹرنگ ڈیسک)میں اللہ تعالی کا شکرگزار ہوں جس نے مجھے 22 سال بعد عوام کی خدمت کا موقع دیا۔اوپر والے نے مجھے سب کچھ دیا تھا لیکن میں پاکستانیوں کی خاطر میدان سیاست میں آیا۔ میں نے پاکستان کے حالات کو اوپر سے نیچے آتے دیکھا ہے ۔موجودہ الیکشن پاکستان کا تاریخی الیکشن ہے ۔بلوچستان کے عوام نے الیکشن میں جس طرح حصہ لیا ۔میں انہیں تمام پاکستانیوں کی طرف سے خراج تحسین پیش کرتا ہوں ۔
جس طرح اوورسیز پاکستانیوں نے الیکشن لیا وہ قابل تعریف ہے ۔انہوں نے اکرام اللہ گنڈاپور اور ہارون بلور کی شہادت کو بڑا المیہ قرار دیا اس کے باوجود الیکشن ہوئے میں تمام سکیورٹی اداروں کو خراج تحسین پیش کرتا ہوں ۔ میں پاکستان کو فلاحی ریاست بناؤں گا۔ پاکستان کے 45فیصد بچوں کو خطرناک بیماریاں لاحق ہیں ،اڑھائی کروڑ بچے سکول ہی نہیں جاتے ۔گندا پانی سے سالانہ لاکھوں افراد مر جاتے ہیں ۔میری پہلی ترجیح صاف پانی کی فراہمی ہے ۔ان خیالات کا اظہار انہوں نے الیکشن 2018میں کامیابی کے بعد بنی گالہ میں عوام سے پہلے خطاب کرتے ہوئے کیا۔عمران خان نے اپنے خطاب میں کہا کہ کسی کیخلاف سیاسی انتقامی کارروائی نہیں کی جائیگی۔ہم اداروں کو مضبوط کرینگے ۔یہ ادارے میری اور میرے وزیروں کا احتساب کر سکیں گے۔قانون سب کیلئے برابر ہوگا۔گورننس کا نظام ٹھیک کرینگے۔ہم سرمایہ کاروں کیلئے بہتر ماحول فراہم کرینگے ۔اوورسیز پاکستانیوں کو تمام سہولیات مہیا کرینگے۔ہم وزیر اعظم کو تعلیمی ادارے میں تبدیل کر دینگے ۔تمام گورنرز ہاؤس کو عوام کیلئے کھول دینگے۔
