لاہور(آن لائن)مسلم لیگ ن کے رہنما سینئر مشاہد حسین نے دعویٰ کیا ہے کہ مسلم لیگ ن پنجاب اور وفاق میں حکومت بنائے گی ،کیونکہ شیر کی دھاڑ پورے ملک میں سنائی دے رہی ہے ۔جبکہ مریم اورنگزیب نے کہا کہ شیر آنہیں رہا بلکہ شیر آگیا ہے،تفصیلات کے مطابق بدھ کے روز ماڈل ٹاؤن میں پولنگ سٹیشن کے باہر میڈیا سے گفتگو کر تے ہوئے مسلم لیگ ن کے رہنما مشاہد حسین سید نے کہا ہے کہ ووٹرکا ٹرن آؤٹ بہت اچھا ہے ۔
گرمی اور حبس کے باوجود بڑی تعداد میں لوگ ووٹ دینے کے لئے نکلے مگر پولنگ کا عمل کافی سست روی کا شکار ہے ۔اس لئے پولنگ سٹیشنوں کے باہر لمبی قطاریں بھی نظر آرہی ہیں ۔جبکہ مسلم لیگ ن کی ترجمان مریم اور نگزیب نے کہا کہ چور ہمیشہ شور مچاتا ہے اور تحریک انصاف والوں کا یہ وطیرہ رہا ہے ۔تحریک انصاف کو اپنی شکست صاف صاف نظر آچکی ہے کیونکہ شیر آنہیں رہا بلکہ آگیا ہے ۔عمران کو چاہیے کہ نئے دھرنے کی تیاریاں ابھی سے شروع کر دے۔
