اسلام آباد(مانیٹرنگ ڈیسک) سابق آرمی چیف جنرل (ر)راحیل شریف نے این اے 129 میں اپنا ووٹ کاسٹ کر دیا۔نجی ٹی وی کے مطابق سابق آرمی چیف راحیل شریف بغیر پروٹوکول پولنگ سٹیشن پر آئے اور قطار میں لگ کر اپنی باری کا انتظار کیا اور ووٹ کاسٹ کیا۔دریں اثناء صدر مملکت ممنو ن حسین نے اپنے آبائی علاقہ کراچی کے حلقہ این اے 247میں اپنا ووٹ کاسٹ کر دیا۔ کراچی کے حلقہ این اے 247سے ڈاکٹر عارف علوی پاکستان تحریک انصاف کے۔
فوزیہ قصوری پاک سرزمین کی،فاروق ستار ایم کیوایم کے،عبدالعزیز پیپلز پارٹی کے جبکہ جبران ناصر آزاد امیدوار ہیں۔علاوہ ازیں چیف جسٹس آف پاکستان جسٹس میاں ثاقب نثار نے بھی اپنا ووٹ کاسٹ کردیا۔تفصیلات کے مطابق چیف جسٹس میاں ثاقب نثار نے لاہور کے حلقہ این اے 130 میں برکت مارکیٹ میں گرلز کالج میں اپنا ووٹ کاسٹ کیا ۔میڈیا سے مختصر گفتگو میں انہوں نے کہا کہ 25 جولائی کو الیکشن کرانے کا اپنا وعدہ پورا کردیا ، آج بہت بڑا دن ہے۔عوام اپنا جمہوری حق استعمال کریں۔
