اسلام آباد (نیوز ڈیسک) تحریک انصاف کے چیئرمین عمران خان کو بین الاقوامی میڈیا نے انتخابات میں فیورٹ قرار دیا ہے، ایک برطانوی جریدے نے خصوصی مضمون شائع کیا جس میں کہا گیا کہ عمران خان سمجھتے ہیں کہ بڑے مقابلے کے لیے انہوں نے گزشتہ انتخابات کے مقابلے میں تجربہ کار امیدواروں کو میدان میں اتارا ہے اور وہ گڈ گورننس کے حصول کے لیے اداروں کو اپنے پاؤں پر کھڑا کرنے کے خواہاں ہیں، اس کے علاوہ مضمون میں کہا گیا کہ صحت و تعلیم پر سرمایہ کاری کے وعدے

نے عوام کو عمران خان کے اور زیادہ قریب کر دیا ہے، برطانوی جریدے کے مضمون کے مطابق عمران خان کے اسلامی فلاحی مملکت کے ایجنڈے نے عوام میں غیر معمولی مقبولیت حاصل کی ہے، مضمون میں مزید کہا گیا کہ تحریک انصاف کے چیئرمین عمران خان ترقی یافتہ اور ترقی پذیر ممالک کے درمیان گڈ گورننس کو بنیادی فرق سمجھتے ہیں، مزید لکھا گیا کہ اس بار عمران خان کا مقابلہ ان کے حریف کے بھائی کے ساتھ ہے اور عمران خان انتخابات کے شفاف انعقاد کے لیے پرامید ہیں۔