اسلام آباد (مانیٹرنگ ڈیسک) اسلام آباد ہائی کورٹ کے جج جسٹس شوکت عزیز صدیقی کے آئی ایس آئی اور دیگر اداروں کے بارے میں الزامات پر سینئر صحافی ہارون الرشید نے انتہائی سنسنی خیز انکشافات کر دیے ہیں، معروف صحافی ہارون الرشید نے ایک نجی ٹی وی چینل کے پروگرام میں کہا کہ نیب کے چیئرمین سے درخواست کی گئی کہ وہ اپنا عہدہ چھوڑ دیں اور مستعفی ہو جائیں

انہیں صدر پاکستان کے عہدے سے نواز دیا جائے گا اور اگر ان کو یقین نہیں تو یہ وعدہ وہ خانہ کعبہ میں حجر اسود کے سامنے کرنے کے لیے تیار ہیں، سینئر صحافی ہارون الرشید نے کہا کہ یہ آفر انہیں شریف فیملی کی جانب سے کرائی گئی۔ انہوں نے انکشاف کرتے ہوئے کہا کہ ملک میں چار جج ہیں جن پر شریف خاندان کام کر چکا ہے اور اس کی تائید بی بی سی کا نمائندہ بھی کر چکا ہے، دو جج سپریم کورٹ کے ہیں اور دو جج ہائی کورٹ کے ہیں، اس بات کی تصدیق میرے ذرائع بھی کر رہے ہیں، انہوں نے کہا کہ اس موقع یکسوئی سے یہ نہیں کہا جا سکتا کہ وہ کون سے جج ہیں لیکن جب وہ بولیں گے تو پتہ چل جائے گا۔ اگر ہیں تو وہ بولیں گے تب پتہ چل جائے گا، جہاں تک جسٹس شوکت عزیز صدیقی کا تعلق ہے، ان پر کرپشن کے الزامات ہیں، صحیح ہیں یا غلط یہ ابھی ہم نہیں کہہ سکتے، اس کا فیصلہ تحقیقات سے ہوگا۔ سینئر صحافی ہارون الرشید نے کہا کہ جسٹس شوکت عزیز صدیقی نے پہلے ایک مکان لیا، پھر دوسرا لیا اور پھر تیسرا، اس طرح کوئی وفاقی سیکرٹری یا بیوروکریٹ بھی نہیں کرتا کہ ایک مکان پسند نہیں تو دوسرا اور پھر تیسرا لے لیں۔ معروف صحافی نے کہا کہ شوکت عزیز جذباتی طور پر ہلے ہوئے شخص ہیں، یہ ایک دفعہ مجھے جہاز میں ملے تو مجھے کہنے لگے کہ مجھے آپ کے کالم کی بہت ضرورت ہے آپ مجھ پر کالم لکھیں، انہوں نے مجھے ایک بار میسج بھی کیا اور کہا کے ہارون صاحب مجھے آپ کے قلم کی بہت ضرورت ہے۔میں اس موقع پر انہیں ہکا بکا ہو کر دیکھتا رہ گیا۔