اسلام آباد(مانیٹرنگ ڈیسک)بشریٰ بی بی سے شادی کے بعد پی ٹی آئی چئیرمین عمران خان کی نجی سیاسی و سماجی سرگرمیوں میں واضح تبدیلی آگئی ۔قومی اخبار کی ایک رپورٹ کے مطابق حالیہ دو روزہ دورہ کراچی میں ان کی نجی سیاسی اورسماجی مصروفیات میں نمایاں تبدیلی نظرآئی ہے۔
سیاسی مصروفیات کے دوران ماضی کے مقابلے میں ان کے اندازواطواربھی بدلے بدلے دکھائی دیئے ۔کراچی میں شہرکے حساس ترین علاقوں میں عمران خان دوران سفرتسبیح کے دانوں پروظیفہ کرتے پائے گئے اورجیسی ہی وہ خطاب کے لیے گاڑی سے باہرنکلتے تو تسبیح جیب میں رکھ لیتے جبکہ انہوں اپنے دائیں ہاتھ کی چھوٹی انگلی میں خاص پتھروالی انگوٹھی بھی پہن رکھی تھی ۔علاوہ ازیں عمران خان اپنی سیاسی سماجی مصروفیات کے دوران نماز کی پابندی کرتے نظرآئے ،انتخابی جلسوں سے خطاب کے آغازسے قبل عمران خان کومخصوص وظائف اوردعائیں پڑھتے بھی دیکھا گیا ہے۔
