اسلام آباد (مانیٹرنگ ڈیسک) قومی خزانے کو ملکی تاریخ میں سب سے بڑا نقصان، ایک نجی ٹی وی چینل کی رپورٹ کے مطابق آڈیٹر جنرل آف پاکستان کی رپورٹ سامنے آ گئی ہے جس کے مطابق مسلم لیگ (ن) اور پیپلز پارٹی کی حکومتوں میں بجلی کے شعبے میں قومی خزانے کو ایک ہزار 947 ارب کا نقصان پہنچا۔ بجلی کے بحران کے خاتمے کی آڑ میں کیا کچھ ہوتا رہا،

جاری کردہ تفصیلات کے مطابق بجلی کے منصوبوں میں 813 ارب غیر قانونی ادائیگیوں اور اخراجات کی نظر ہوئے، آڈیٹر جنرل رپورٹ کے مطابق قانون کی خلاف ورزی کی وجہ سے قومی خزانے کو 306 ارب روپے کا نقصان پہنچا اور ن لیگ کے دور میں پانچ ارب کا قیمتی سامان چوری ہو گیا، اس کے علاوہ اقربا پروری اور نوازنے کے ریکارڈ ٹوٹ گئے، جس کی وجہ سے 740 ارب روپے نادہندگان سے ریکور ہی نہیں کیا جا سکا اور پچیس ارب خود ساختہ حادثات کی نذر ہو گئے، اس کے علاوہ محکموں میں جو نااہل افسر تعینات کیے گئے تھے اس سے 53 ارب روپے کا قومی خزانے کو نقصان پہنچا، نندی پاور پلانٹ جس کی بڑی مشہوری کی گئی اور دیگر سرکاری تھرماپاور پلاٹ کی مرمت کے دعوے کیے گئے اور اس سے 51 ارب روپے کا نقصان اس لیے ہوا کہ یہ پاور پلانٹ بند رہی اور انہوں نے بجلی پیدا نہ کی، بجلی پیدا کرنے والی کمپنیوں نے چالیس ارب روپے ڈسٹری بیوشن کی مد میں اکٹھے کیے جو کہ غیر قانونی تھے۔ آڈیٹر جنرل کہتے ہیں کہ یہ چالیس ارب روپے کا ڈسٹری بیوشن مارجن غیر قانونی تھا اور یہ نہیں لیا جانا چاہیے تھا۔ یہ کیسز نیب کو ریفر کیے جانے چاہیے تھے۔ آڈیٹر جنرل کا کہنا ہے کہ اس نقصان کے ذمہ داروں کا تعین کرکے انہیں سزا دینی چاہیے۔  قومی خزانے کو ملکی تاریخ میں سب سے بڑا نقصان، ایک نجی ٹی وی چینل کی رپورٹ کے مطابق آڈیٹر جنرل آف پاکستان کی رپورٹ سامنے آ گئی ہے جس کے مطابق مسلم لیگ (ن) اور پیپلز پارٹی کی حکومتوں میں بجلی کے شعبے میں قومی خزانے کو ایک ہزار 947 ارب کا نقصان پہنچا۔