اسلام آباد (این این آئی) امریکی نائب وزیر خارجہ ایلس ویلز پاکستانی حکام سے افغان مسئلے پر مذاکرات کیلئے اتوار کو اسلام آباد پہنچیں ۔ذرائع نے ’’این این آئی ‘‘کو بتایا کہ امریکی نائب وزیر خارجہ وزارت خارجہ کے حکام سے افغان مسئلے کے سیاسی حل اور افغانستان میں تشدد کم کر نے سے متعلق امورپر مشورے کریگی ۔ایلس ویلز کا یہ دورہ ایسے وقت میں ہورہاہے جب پاکستان اور افغانستان نے دوطرفہ مذاکرات کیلئے ایک نئے میکنزم کا آغاز کیا ہے
جس میں دونوں ممالک نے سات اصولوں پر اتفاق کیاہے جس میں ان لوگوں کے خلاف ممکنہ اقدامات اٹھانے کا فیصلہ بھی شامل ہے جو مذاکرات کا راستہ نہیں اپنائینگے ۔ اسلام آباد کے دورے سے پہلے ایلس ویلز نے کابل کا دو دن کا دورہ کیا تھا جس کے دور ان انہوں نے صدر اشرف غنی ٗ چیف ایگزیکٹو ڈاکٹر عبد اللہ عبد اللہ ٗ وزیر خارجہ ٗ نیشنل سکیورٹی کے مشیر ٗ امن کونسل کے چیئر مین اور الیکشن کمیشن کے سربراہ سے ملاقاتیں کی تھیں ۔اتوار کوکابل میں امریکی سفارتخانے سے جاری کئے گئے بیان میں کہاگیا کہ امریکی نائب وزیر خارجہ نے افغان رہنماؤں کے ساتھ ملاقاتوں میں افغانوں کی قیادت میں امن عمل کی حمایت کا اعادہ کیا ۔مذاکرات کے دور ان انہوں نے افغانستان میں اس سال اکتوبر کے پارلیمانی اور آئندہ سال صدارتی انتخابات کو شفاف اندازمیں کر نے کی خواہش کا اظہار کیا ۔کابل کے دورے کے دور ان ایلس ویلز نے اپنے بین الاقوامی اتحادی ممالک کے نمائندوں سے بھی ملاقاتیں کیں ۔ امریکی نائب وزیر خارجہ ایلس ویلز پاکستانی حکام سے افغان مسئلے پر مذاکرات کیلئے اتوار کو اسلام آباد پہنچیں ۔ امریکی نائب وزیر خارجہ وزارت خارجہ کے حکام سے افغان مسئلے کے سیاسی حل اور افغانستان میں تشدد کم کر نے سے متعلق امورپر مشورے کریگی ۔ایلس ویلز کا یہ دورہ ایسے وقت میں ہورہاہے جب پاکستان اور افغانستان نے دوطرفہ مذاکرات کیلئے ایک نئے میکنزم کا آغاز کیا ہے جس میں دونوں ممالک نے سات اصولوں پر اتفاق کیاہے جس میں ان لوگوں کے خلاف ممکنہ اقدامات اٹھانے کا فیصلہ بھی شامل ہے جو مذاکرات کا راستہ نہیں اپنائینگے ۔
