اسلام آباد (نیوز ڈیسک) چیف جسٹس میاں ثاقب نثار نے بجلی، گیس اور تیل پر ناجائز ٹیکس اور ڈیوٹی فیس پر لیا گیا از خود نوٹس جمعرات کو سماعت کیلیے مقرر کر دیا، سپریم کورٹ کی جانب سے جاری کاز لسٹ کے مطابق چیف جسٹس نے کیس سماعت کے لیے مقرر کرتے ہوئے اٹارنی جنرل، سیکرٹری خزانہ،
سیکرٹری پیٹرولیم اور سیکرٹری توانائی ، چیرمین اوگرا، چیرمین نیپرا اور چیرمین ایف بی آر کو بھی نوٹسز جاری کر دیے ہیں ، عدالت کی جانب سے سیکرٹری اسٹیبلشمنٹ، چیرمین واپڈا اور چیرمین پی ایس او کو بھی نوٹسز جاری کیا گیا ہے ،چیف جسٹس کی سربراہی میں تین رکنی بینچ جمعرات کو سماعت کرے گا۔
