اسلام آباد(مانیٹرنگ ڈیسک)حکومت گئی مگر پروٹوکول کی عادت نہ گئی ۔لاہور میں مریم نواز کے کاغذات نامزدگی کی جانچ پڑتال کیلئے آمدسے قبل کتوں کو کمرہ عدالت میں گھسا دیا گیا،سونگھنے والے کتے جج کی کرسی کے نیچے گھس گئے ۔اس موقع پر کمرے میں موجود دیگر امیدواروں نے شدید احتجاج کیا۔
تفصیلات کے مطابق سابق وزیر اعظم نوازشریف کی صاحبزادی مریم نواز آج لاہور میں کاغذات نامزدگی جمع کرانے کیلئے ریٹرننگ آفس پہنچیں تو ان کی سکیورٹی پر مامور اہلکاروں نے سونگھنے والے کتے بھی کمرہ عدالت میں گھسا دئیے ۔جس نے کمرے کاچپہ چپہ سونگھا۔اس موقع پر کتے جج کی کرسی کے نیچے بھی گھس گئے ۔ کمرہ عدالت میں موجود دیگر امیدواروں نے صورتحال پر شدید احتجاج کیا۔دوسری جانب مسلم لیگ کے رہنما و سابق رکن رکن صوبائی اسمبلی ملک سیف اللہ کھوکھر نے مریم نواز کی بلائیں ٹالنے کیلئے 4بکر وں کا صدقہ دید یا میڈیا رپورٹس کے مطابق ن لیگی سابق ایم پی اے ملک سیف کھوکھر نے مریم نواز کی بلائیں ٹالنے کے لیے چار بکروں کا صدقہ دیا بدھ کو مریم نواز شریف نے اپنے کاغذات نامزدگی کی جانچ پڑتال کے لیے ریٹرننگ آفیسر کے سامنے پیش ہو ئیں جس پر مسلم لیگ ن کے کارکنوں نے ملک سیف کھوکھر کی قیادت میں چار بکروں کا صدقہ دیا۔ صدقہ دینے کا مقصد مریم نواز کو بلاؤں اور نظر بد سے بچانا ہے۔ملک سیف کھوکھر نے کہا کہ میں یہ صدقہ مریم نواز کے لیے دے رہا ہوں۔ مریم نواز پہلی مرتبہ میدان میں اْتری ہیں اور پاکستان کے لیے اْتری ہیں۔ اور ان کے لیے بکروں کا صدقہ بھی اسی لیے دیا جا رہا ہے تاکہ اللہ ان کی بلائیں ٹالے اور ان کو نظر بد سے محفوظ رکھے اور ریٹرننگ آفیسر کے سامنے پیش ہونے پر انہیں مشکلات کا سامنا نہ کرنا پڑے۔
