اسلام آباد(مانیٹرنگ ڈیسک)ن لیگ کے رہنما خواجہ آصف کی نا اہلی کے بعد نجی ٹی وی چینلز پر تبصروں اور تجزیوں کا سلسلہ جاری ہے۔ نجی ٹی وی جیو نیوز پر خواجہ آصف کی نا اہلی کیلئے معروف صحافی مظہر عباس، امتیاز عالم، حامد میر ، ارشاد بھٹی اور سہیل وڑائچ تجزیہ پیش کر رہے ہیں۔ پروگرام کے دوران انکشاف سامنے آیا ہے کہ50سے 60ارکان پارلیمنٹ ایسے ہیں جن کے پاس اقامے موجود ہیں

اور یہ انتہائی تشویشناک صورتحال ہے کیونکہ ملک کے وزیراعظم اور وزیر خارجہ اقامہ پر نا اہل قرار دئیے جا چکے ہیں، سابق وزیراعظم نواز شریف کو سپریم کورٹ جبکہ سابق وزیر خارجہ خواجہ آصف کو اسلام آباد ہائیکورٹ نے نا اہل قرار دیا ہے۔ اور ان کے کیسز کے ریفرنسز کے تحت یہ تمام ارکان نا اہل قرار دئیے جا سکتے ہیں اور آنے والے دنوں میں ان ارکان پارلیمنٹ کے کیسز عدالتوں میں نظر آئیں گے۔