اسلام آباد(مانیٹرنگ ڈیسک)مسلم لیگ (ن) کے صدر اور وزیراعلیٰ پنجاب شہباز شریف نے سابق وزیرداخلہ چوہدری نثار کو منا لیا ۔نجی ٹی وی کے مطابق شہباز شریف نے ایک ہفتے کے اندر چوہدری نثار سے چوتھی مرتبہ ملاقات کی ہے ۔معلوم ہوا ہے کہ شہبازشریف خصوصی طیارے کے ذریعے لاہور سے اسلام آباد پہنچے جہاں شہباز شریف اور چوہدری نثار کی ملاقات دو گھنٹے تک جاری رہی ،اس دوران

چوہدری نثار نے اختلافات بھلانے کے لیے مشروط آمادگی ظاہر کردی۔ذرائع کادعویٰ ہے کہ چوہدری نثار پارٹی کے ساتھ اپنے تحفظات اوراختلافات بھلانے کو تیار ہیں لیکن اب صرف ایک شرط ہے کہ پارٹی صدر شہباز شریف کے ساتھ پارٹی کے تاحیات قائد نوازشریف بھی ان کے گھر چل کرآئیں تو وہ مان جائیں گے، واضح رہے کہ نوازشریف آج کل لندن میں موجود ہیں جہاں ان کی اہلیہ بیگم کلثوم نواز کا علاج جاری ہے۔

موضوعات:چوہدری نثار شہبازشریف