اسلام آباد(مانیٹرنگ ڈیسک)سابق وزیر اعظم نواز شریف کو جیل بھجوانے میں اگر کوئی شامل ہے تو وہ ان کے چھوٹے بھائی اور وزیر اعلیٰ پنجاب شہباز شریف ہیں۔ معروف صحافی رؤف کلاسرا کا دعویٰ۔نجی ٹی وی پروگرام کے دوران گفتگو کرتے ہوئے رؤف کلاسرا کہتے ہیں کہ نواز شریف کا کہنا ہے کہ اڈیالہ جیل والوں کو کیسے علم ہو گیا کہ کوئی جیل میں آنے والا ہے اور اس کے لیے تیاریاں ہو رہی ہیں۔لیکن نواز شریف کو علم ہونا چا ہئیے
کہ وزیر اعلیٰ پنجاب ان کے اپنے بھائی شہباز شریف ہیں اور جیل کا محکمہ بھی ان کے پاس ہے۔رؤف کلاسرا کا کہنا تھا کہ شہباز شریف طاقتور شخصیات سے خفیہ ملاقاتیں کرنے کے ماہر ہیں اورشہباز شریف تک اڈیالہ جیل کی خبر پہنچ چکی ہے۔اس لیے نواز شریف اپنے بھائی شہباز شریف کو فون کرکے پو چھیں کہ وہ آئی جی جیل خانہ جات مرزا شاہد سلیم بیگ سے خبر لیں کہ ان کو جیل کی صفائیاں کروانے کا حکم کس نے دیا ہے؟
