اسلام آباد( آن لائن ) وزیراعلیٰ پنجاب شہباز شریف کرپشن زدہ ناکام منصوبوں کا افتتاح کرکے نیا ریکارڈ قائم کرنے لگے ۔ لیسکو کے پراجیکٹ کڈنی سنٹر گرڈ اسٹیشن کے ناکام منصوبے کا وزیراعلیٰ نے نہ صرف افراتفری میں تکمیل کا اعلان کردیا بلکہ پراجیکٹ ڈائریکٹر رفعت محبوب کو ایک لاکھ روپے کا انعام بھی دے ڈالا ۔ تفصیلات کے مطابق لیسکو کے کڈنی سنٹر گرڈ اسٹیشن کی تعمیر ابھی تک نامکمل ہے اور اس منصوبے میں کروڑوں روپے کی مالی بے ضابطگیوں
کا بھی انکشاف ہوا ہے سرکاری دستاویزات کے مطابق یہ منصوبہ ابھی تک نامکمل ہے اس میں مختلف نوعیت کی چھتیس خرابیاں اور کمی کی نشاندہی کردی گئی تھی اس صورتحال کے باوجود ہمیشہ جلدی میں رہنے والے وزیراعلیٰ پنجاب شہباز شریف نے اس منصوبے کے قبل ازوقت مکمل ہونے کا اعلان کردیا اور کرپشن کے سنگین الزامات کی تحقیقات کی بجائے پروجیکٹ ڈائریکٹر کو بہترین کارکردگی کا ایک لاکھ روپے کا انعام اور سرٹیفکیٹ بھی دے دیا ۔
