اسلام آباد(مانیٹرنگ ڈیسک)سینئیر صحافی محمد مالک نےنجی ٹی وی پروگرام میں بات کرتے ہوئے کہا کہ چودھری منیر جو مریم نواز کے عزیز ہیں، آگے ان کے بھی ایک عزیز ہیں جو کافی اعلیٰ درجے کی عسکری پوزیشن پر ہیں اور ان کے کئی تعلقات بھی ہیں، ان کو بھی بار بار استعمال کیا گیا ، کیونکہ اب حالات بگڑ گئے ہیں، لیکن وہ بھی کوئی مدد کرنے میں ناکام ہوئے۔بلکہ اس کے بعد یہ ہوا کہ چودھری منیر کی جو پہلے اگر کہیں ملاقاتیں ہو رہی
تھیں تو اس کوشش کے بعد ان کی ملاقاتوں کا وہ سلسلہ بھی رک گیا ہے۔ اس کے بعد ان کے ایک اور ساتھی ہیں جو ایک اور آئینی پوزیشن پر ہیں، انہوں نے بھی کہا کہ میں کوشش کر رہا ہوں مثبت جواب نہیں مل رہا۔ اس کے بعد آخر میں ایک وفاقی وزیر کو بھی استعمال کیا گیا اور کہا گیا کہ آپ بھی بات کریں، لیکن ان کو بھی جواب آیا کہ اب نہیں۔ ہم آپ کا ناجائز رونا رو سکتے ہیں لیکن جو آ پ کے ساتھ جائز ہو رہا ہے اس پر ہم بھی بے بس ہیں۔ اس سےقبل سینئر صحافی حامد میر نے نجی ٹی وی پروگرام میں گفتگو کرتے ہوئے کہا کہ مریم نواز بھی کچھ حاضر سروس فوجی افسران کو ملاقات کے پیغامات بھیجتی ہیں، اس موقع پر محمد مالک نے کہاکہ ایک پیغام تو مجھے پتہ ہے کہ ہمارے کیسز ختم کر دیے جائیں اور ہم لندن چلے جائیں یا کہیں اور چلے جائیں، جس پر سینئر صحافی حامد میر نے کہاکہ ان کو یہ کہا گیا ہے کہ یہ وہ جوڈیشری نہیں ہے،کیپٹن (ر) صفدر سچا آدمی ہے وہ بالکل صحیح کہتا ہے،وہ تو شروع دن سے ان کو کہہ رہا ہے کہ لڑائی نہ کرو۔
