اسلام آباد (مانیٹرنگ ڈیسک) صحافی و تجزیہ نگار آفتاب اقبال نے ایک نجی ٹی وی چینل کے پروگرام میں کہا کہ میاں نواز شریف نے ایک امریکی کمپنی کو بہت لمبی چوڑی رقم دے کر ہائر کر رکھا ہے اور یہ آج کی بات نہیں پرانی بات ہے، انہوں نے کہا کہ ہم کمپنی کے بارے میں پہلے بھی بات کر چکے ہیں، اسی کمپنی کے بارے میں امریکہ میں عجیب و غریب باتیں ہونے لگی ہیں،
آفتاب اقبال نے کہاکہ حتیٰ کے عام ووٹرز نے حکومت سے درخواست کی ہے کہ اس کی لابک ٹیکنیکس اور میکنزم کا فرانزک ٹیسٹ ہونا چاہیے، اس بارے میں ایف بی آئی کو شامل کرنا چاہیے۔ اس کمپنی کا نام کیمبرج اینالٹیکا ہے اور یہ مجوزہ طور پر نواز شریف کی لابسٹ کمپنی ہے۔ نجی ٹی وی چینل کے پروگرام میں کہا گیا کہ مبینہ طور پر پاکستان سے تین اداروں نادرا، ایچ ای سی اور الیکشن کمیشن سے ڈیٹا حاصل کیا گیا ہے، آفتاب اقبال نے کہا کہ یہ ابھی خیال ہے گمان ہے ایک الزام ہے ابھی اس کی تفصیلات سامنے نہیں آئیں لیکن اس بات کی تحقیقات ضرور ہونی چاہئیں کہ آخر گیارہ بارہ کروڑ عوام کا ڈیٹا اس کمپنی کے پاس کس طرح اور کس ذریعے سے پہنچا ہے۔ کون ہے پہنچانے والا محض فیس بک سے اتنا ڈیٹا نہیں اٹھایا جا سکتا۔ ہمارے ہاں آدھے سے زیادہ ووٹر فیس بک سے بے نیاز ہیں وہ نہیں جانتے کہ یہ کیا چیز ہے؟ لیکن ان کا ڈیٹا موجود ہے، آفتاب اقبال نے کہا کہ چک جھمرہ سے لے کر مٹھی تک کے ایک گاؤں میں بسنے والی ستر سالہ عمر رسیدہ خاتون کا ڈیٹا اگر کیمبرج اینالیٹکا کے پاس موجود ہے تو یہ کوئی اہم ذریعہ ہے یہ فیس بک یا ٹوئٹر نہیں ہے۔ پروگرام میں کہا گیا کہ عمران خان کی شادی اور طلاق والا معاملہ بھی اسی کمپنی نے لیک کیا، کیونکہ عمران خان کے حریف اول نواز شریف نے اس کمپنی کو ہائر کر رکھا ہے۔ پچھلے تین چار سالوں سے نواز شریف کے لیے سب سے بڑا خوف عمران خان ہی ہیں، عمران خان کا سکینڈل ابھی بنتا نہیں، عمران کو خود پتہ نہیں ہوتا لیکن سکینڈل اس کمپنی کے پاس پہلے آ جاتا ہے۔
