پشاور( آن لائن) خیبر پختونخوا ہیلی کاپٹر سکینڈل کی تحقیقات میں مزید پیش رفت ہوئی ہے ،ہیلی کاپٹر کب خریدا گیا اور کتنے لوگوں نے سفر کیا تمام ریکارڈ نیب نے حاصل کرلیا ہے ۔میڈیا رپورٹ کے مطابق چیئرمین تحریک انصاف عمران خان کے خلاف سرکاری ہیلی کاپٹر کے استعمال سے متعلق تحقیقات میں ہیلی کاپٹر میں سفر کرنے والوں کی فہرست نیب کو دے دی گئی۔ قومی احتساب بیورو (نیب) پشاور نے عمران خان کے خلاف صوبائی حکومت کے

ہیلی کاپٹر کے استعمال پر تحقیقات شروع کررکھی ہیں اور اس حوالے سے خیبرپختونخوا حکومت سے بھی ریکارڈ طلب کیا گیا ہے۔ عمران خان کی جانب سے سرکاری ہیلی کاپٹر کے استعمال سے متعلق 5 افسران نے بیانات ریکارڈ کرادیئے ہیں.ذرائع کا کہنا ہے کہ محکمہ ایڈمنسٹریشن نے ہیلی کاپٹر میں سفر کرنے والوں کی فہرست بھی جمع کرادی ہے۔ نیب کو فراہم کی گئی دستاویز میں بتایا گیا ہے کہ ہیلی کاپٹرکی خریداری کی سمری 22 نومبر2007 کو منظور کی گئی تھی۔