اقوام متحدہ ہر سال ورلڈ ہیپی نیس رپورٹ جاری کرتی ہے‘ یہ رپورٹ ایک سو چھپن ملکوں پر مشتمل ہوتی ہے اور اس میں یہ بتایا جاتا ہے کس ملک کے کتنے لوگ کتنا خوش ہیں‘ آپ کو یہ جان کر خوشی ہو گی 2018ء کی رپورٹ کے مطابق پاکستان کے لوگ جنوبی ایشیا کے تمام ممالک کے لوگوں کے مقابلے میں زیادہ خوش ہیں‘

انڈیکس میں پاکستان 75 ویں نمبر پر ہے جبکہ بھوٹان ستانوے‘ نیپال 101‘ بنگلہ دیش 115‘ سری لنکا 116‘ انڈیا ایک سو تینتیس اور افغانستان ایک سو پینتالیس نمبر پر ہے‘ یہ رپورٹ حیران کن ہے اور یہ پاکستانیوں کی جرات‘ ہمت اور زندگی کے ساتھ کمٹمنٹ کو ظاہر کرتی ہے‘ ہم پاکستانی دہشت گردی کی جنگ میں 70 ہزار لوگوں کی قربانی دے کر بھی ‘ ہم 120 ارب ڈالر کے نقصان کے بعد بھی اور ہم سیاست کے موجودہ جنگی حالات کے باوجود بھی خوش ہیں‘ یہ واقعی بہت بڑی بات ہے اور میں اس بڑی بات پر قوم کو خراج تحسین پیش کرتا ہوں‘ ہم واقعی باہمت قوم ہیں‘ اللہ تعالیٰ اس جذبے کو قائم رکھے‘ ہم آج کے موضوع کی طرف آتے ہیں، عمران خان نے دعویٰ کیا کہآئندہ الیکشن ہمارا ہوگا ٗ نتائج پہلے سے دے رہا ہوں ٗ عمران خان کے اس یقین کی بیس کیا ہے؟ یہ الیکشن سے پہلے الیکشن کے نتائج کیسے دے سکتے ہیں‘ یہ ہمارا آج کا ایشو ہوگا‘ میاں نوازشریف نے محمود اچکزئی کے بیان کی انکوائری کا مطالبہ کر دیا‘ یہ انکوائری کون کرے گا اور میاں نواز شریف وفاق میں اپنی حکومت ہونے کے باوجود کس سے مطالبہ کر رہے ہیں‘ ہم یہ بھی ڈسکس کریں گے اور آج کراچی میں آگ اور پانی ایک ہو گئے‘ ایم کیو ایم نے سینٹ میں پی ٹی آئی کو سپورٹ کرنے کا اعلان کر دیا‘ یہ انقلاب کیسے آ گیا‘ ہم یہ بھی ڈسکس کریں گے‘ ہمارے ساتھ رہیے گا۔