اسلام آباد(مانیٹرنگ ڈیسک)ن لیگ کے صدر کے معاملے پر نواز،شہباز میں معاہدہ ہونے کا انکشاف، نجی ٹی وی پروگرام میں  معروف صحافی عارف حمید بھٹی نے گفتگو کرتے ہوئے کہا کہ نواز شریف کے اہلخانہ نہیں چاہتے تھے کہ شہباز (ن) لیگ کے صدر بنیں۔تا ہم دونوں بھائیوں کے درمیان اس متعلق ایک معاہدہ طے ہوا جس کے بعد شہبازشریف کو پارٹی کا صدر بنایا گیا۔ شہباز نے نواز شریف کو اس بات کا یقین دلایا کہ وہ ایک سال کے

اندر نواز شریف کو این آر او لیکر دیں گے ،اس طرح ایک سال کے اندر نواز شریف کو کلین چٹ مل جائے گی۔پروگرام میں موجود صحافی صابر شاکر کا کہنا تھا کہ  ایک اور معاہدہ بھی طے ہوا تھا جس کے مطابق نواز شریف اور ان کے اہل خانہ کو کوئی سیاسی نقصان نہیں پہنچایا جائے گااور نہ ہی انہیں پارٹی کے اندر سیاسی طور پر تنہا کیا جائیگا،پنجاب میں ن لیگ کی حکومت بنی تووزیر اعلیٰ پنجاب کے نام کا فیصلہ نواز شریف کریں گے۔

موضوعات:شریف برادران