اسلام آباد(مانیٹرنگ ڈیسک)جامعہ نعیمیہ میں نواز شریف کو جوتا مارنے والا شخص پنجاب کے شہر مظفر گڑھ کا رہائشی نکلا،منور کے بھائی کا کہنا تھا کہ معلوم نہیں منور نےکس وجہ سےنوازشریف کی طرف جوتااچھالا،ہمارا پورا خاندان مسلم لیگ (ن) کاووٹرہے۔منور کی گرفتاری پراسکی  والدہ سخت بیمارہیں،منورحسین 10 ماہ سےگھرنہیں آیا۔دریں گرفتار ایک اورملزم عبدالغفور فاروقی نے نوازشریف پر

جوتا اچھالنے کی  3 وجوہات بتا دیں۔دوران حراست ملزم عبدالغفور فاروقی نے نجی ٹی وی سے گفتگو کرتے ہوئے بتایا کہ میں نے نوازشریف پراس لیے جوتا پھینکا کہ نوازشریف نے ممتاز حسین قادری کوبے گناہ پھانسی دی ہے۔ دوسرا نوازشریف نے ہندوؤں کی ہولی کی تقریب میں یہ کہاکہ خدا اور بھگوان ایک ہیں۔جبکہ تیسرا نوازشریف نے ناموس رسالت قانون پرحملہ کروایا اور ختم نبوتؐ قانون کوتبدیل کیا۔