لاہور(مانیٹرنگ ڈیسک) پیپلزپارٹی کے مرکزی رہنما چودھری منظور احمد نے کہاکہ نوازشر یف کے ساتھ ہونے والا واقعہ انتہائی افسوس ناک ہے،خطرناک پہلو یہ ہے کہ عوام اپنے غصے کا اظہار اس طرح کر رہے ہیں پیپلز پارٹی اس کی شدید مذمت کرتی ہے لوگوں میں غصہ ضرور ہے ہر شعبہ اور کاروبار برباد ہو چکا ہے،ان لوگوں نے جو کچھ عوام کے ساتھ کیا اس نے عوام کو ڈپریشن میں مبتلا کر دیا ہے،
عوام سے درخواست کرتے کہ ہمت اور حوصلے کا دامن تھام کر رکھیں۔ ان خیالات کااظہارانہوں نے پاکستان پیپلز پارٹی کے رہنما بابر بٹ کی برسی کے حوالے سے منعقدہ تقریب کے بعد میڈیا سے گفتگو کرتے ہوئے کیا ۔انہوں نے کہاکہ سینیٹ کا الیکشن اناڑی لوگوں نے مشکل کر دیا ہے۔اپوزیشن یہ الیکشن جیتی تھی لیکن عمران نے اناڑی پن کا سبقت دے کر حکومت کا پلہ پھر بھاری کر دیا۔اب ایم کیوایم اور مولانا فصل الرحمن کے ہاتھ میں گیم چلی گئی ہے یکھیں رات تک کیا صورت پیدا ہوتی ہے۔رضا ربانی کے بارے ایک سوال کے جواب میں انہوں نے کہا کہ پیپلز پارٹی ہی ہے جس نے ہر قائد کے اختلاف رائے کو سنا اور اس کا احترام بھی کیا۔اعتزاز احسن نے ہماری حکومت کے خلاف تحریک چلائی اور پھر پیپلزپارٹی نے انہیں عزت دی اور قائدحزب اختلاف بھی بنایا۔رضا ربانی بھی ہمارے سینئر رہنما ہیں اور انہیں بیان کا مقام ملے گا۔ہمارے درمیان اختلاف رائے ہو سکتا ہے مگر میاں رضا ربانی صاحب پارٹی مین موجود ہیں۔سینٹ میں اسٹیبلشمنٹ کے رول کے بارے میں ایک سوال کے جواب میں انہوں نے کہا کہ اگر اسٹبلشمنٹ ان کو ایک اشارہ کرے تو یہ سارے اشارے توڑکر ہمارے خلاف کالا کوٹ پہن کر عدالت پہنچ جائیں۔ پیپلزپارٹی کے مرکزی رہنما چودھری منظور احمد نے کہاکہ نوازشر یف کے ساتھ ہونے والا واقعہ انتہائی افسوس ناک ہے،خطرناک پہلو یہ ہے کہ عوام اپنے غصے کا اظہار اس طرح کر رہے ہیں پیپلز پارٹی اس کی شدید مذمت کرتی ہے لوگوں میں غصہ ضرور ہے ہر شعبہ اور کاروبار برباد ہو چکا ہے،
