اسلام آباد (آئی این پی)وزیر مملکت اطلاعات ونشریات مریم اورنگزیب نے لودھراں سے مسلم لیگ (ن )کے کامیاب امیدوار پیر اقبال شاہ کو مبارکباد اور لودھراں کے عوام کو خراج تحسین پیش کرتے ہوئے کہا ہے کہ اللہ کے فضل اور پاکستان مسلم لیگ 2018 کے الیکشن کا چاند آج لودھراں سے نکل آیا ہے۔پیر کو اپنے بیان میں مریم اورنگزیب نے کہاکہ اللہ کے فضل اور پاکستان مسلم لیگ 2018 کے الیکشن کا چاند آج لودھراں سے نکل آیا ہے .
،نواز شریف اور مسلم لیگ نے عوام سے کیے وعدے پورے کئے جس کا نتیجہ نکل رہا ہے ۔انھوںنے کہاکہ عمران صاحب لودھراں کے نتیجے کے بعد2018 کے الیکشن کے بعد جو رونے کا کنٹینر لگانا ہے اْس کی تیاری ابھی سے شروع کر دیں ،لودھراں کے عوام نے آج عمران صاحب کی جھوٹ ،گالم گلوچ، انتشار اور فساد پر مبنی سیاست کو دفن کر دیا۔مریم اورنگزیب نے کہاکہ لو دھراں میں مسلم لیگ ن کی جیت نوازشریف کی عدل اور عوام کے ووٹ کے تقدس کی بحالی کی تحریک کی فتح کی پہلی نوید ہے ، پاکستان مسلم لیگ (ن) اور قائد محمد نواز شریف پر اعتماد کے اظہار پر لودھراں کے عوام کا شکریہ ادا کرتے ہیں،ضمنی انتخابات میں مسلم لیگ ن کی مسلسل کامیابیاں اس بات کا ثبوت ہیں کہ پاکستان کے عوام ترقی اور خوشحالی کے ایجینڈے کیساتھ ہیں۔مریم اور نگزیب نے کہاکہ چند سیاسی اندھوں کے سوا پورا پاکستان دیکھ رہا ہے کی محمد نوازشریف کی نااہلیت اہلیت میں بدل رہی ہے،2018 کے انتخاب میں بھی پاکستان کے عوام دھرنوں، لاک ڈاؤن اور کنٹینر سیاست کو مسترد کریں گے،نوازشریف اہل ہے کہ نااہل پاکستان کی عوام کی عدالت فیصلہ سنا رہی اور نوٹس پہ نوٹس جاری کر رہی ہے ۔انھوںنے کہاکہ عمران صاحب عوام کے دل اور محبت پیسے اور جھوٹ بول کے خریدے نہیں جا سکتے ،عمران صاحب عوام اب صرف کارکردگی پر ووٹ دے گی جو آپ کو 2013 سے سمجھا رہے تھے اب اْس وقت بھی گزر گیا، آپ کی قسمت میں لوگوں کی خدمت ہے ہی نہیں۔
