قصور(مانیٹرنگ ڈیسک) سات سالہ زینب جسے ملزم عمران علی نے زیادتی کے بعد قتل کر دیا تھا کے والدین کا شروع دن سے مطالبہ تھا کہ ان کی ملزم عمران سے ملاقات کروائی جائے، اب ان کی ملاقات ملزم عمران سے کرا دی گئی، نہ صرف زینب کے والدین کی ملاقات کروائی گئی
بلکہ دیگر بچیوں کے والدین بھی اس موقع پر موجود تھے۔ ملزم عمران قصور میں بچیوں کو جنسی درندگی کا نشانہ بنانے کے بعد قتل کر دیتا تھا جسے چند روز قبل گرفتار کیا گیا اور اس درندہ صفت ملزم عمران کا پولیس نے عدالت سے ریمانڈ لے رکھا ہے اور اس سے مزید تفتیش جاری ہے، ملزم عمران سے یہ تمام تحقیقات مشترکہ تحقیقاتی ٹیم کر رہی ہے، سات سالہ زینب اور دیگر قتل کی جانے والی 8 بچیوں کے والدین کی مشترکہ تحقیقاتی ٹیم کے سامنے ملاقات کروائی گئی، اس موقع پر ان لوگوں نے ملزم عمران علی سے سوالات کیے اور اسے برا بھلا بھی کہا اور اسے اس کے فعل پر بد دعائیں بھی دیں، یہ تمام دکھی والدین غم سے نڈھال تھے، زینب کے والدین کی طرف سے بار بار حکومت سے مطالبہ کیا جا رہا تھا کہ ان کی ملاقات ملزم عمران علی سے کروائی جائے جسے آخر کار پورا کر دیا گیا ہے، اس ملاقات میں متاثرہ بچیوں کے والدین نے اس درندے صفت انسان کو خوب برا بھلا کہا۔ نہ صرف زینب کے والدین کی ملاقات کروائی گئی بلکہ دیگر بچیوں کے والدین بھی اس موقع پر موجود تھے۔ ملزم عمران قصور میں بچیوں کو جنسی درندگی کا نشانہ بنانے کے بعد قتل کر دیتا تھا جسے چند روز قبل گرفتار کیا گیا
