کراچی(اے این این )کراچی میں ایک اور مبینہ مقابلے میں پولیس نے 5 بہنوں کے اکلوتے بھائی کو قتل کردیا۔ تفصیلات کے مطابق ڈرگ روڈ پر رکشے میں سوار مقصود کام سے جار ہاتھا کہ راستے میں ڈاکوں نے رکشے کو روکنے کی کوشش کی تو اس دوران پولیس نے فائرنگ کردی جس سے رکشے میں سوارمقصود سمیت 4 افراد زخمی ہوگئے،جن کو طبی امداد کیلئے جناح ہسپتال پہنچایا گیا لیکن
مقصود زخموں کی تاب نہ لاتے ہوئے چل بسا،گھر میں بھائی کی موت کی خبر پہنچنے پر کہرام مچل گیا اور مقتول کی بہنیں ہسپتال پہنچ گئیں اورسٹریچر پر لیٹے ڈاکوں کو جوتوں سے مارا پیٹا۔خواتین نے پولیس کو تنقید کا نشانہ بناتے ہوئے کہا کہ مقصود 5 بہنوں کا اکلوتابھائی تھا، پولیس نے جھوٹے مقابلے میں ہمارا بھائی کو ماردیا،ان کا کہناتھا کہ پولیس جھوٹ بولتی ہے ہمارے کو جان بوجھ کو ٹارگٹ بنا کر مارا گیا ہے۔
