اسلام آباد(مانیٹرنگ ڈیسک) کراچی میں پیش آنے والے نقیب اللہ محسود قتل کے معاملے میں تیزی سے پیشرفت، کراچی میں میڈیا کے نمائندوں سے بات چیت  کرتے ہوئے تحقیقاتی کمیٹی کے رکن نے کہا کہ  قتل کیس میں کوئی دباﺅ برداشت نہیں کیا جائیگا ۔ڈی آئی جی سلطان خواجہ نے کہا کہ راؤ انوار کے خلاف انکوائری زیرو ٹالرینس کی بنیاد پر ہو گی ۔ مجھے یقین ہے کہ ہم میرٹ پر انکوائری کریں گے ۔گواہوں کی آمد سے متعلق سوال کے جواب میں

رکن انکوائری کمیٹی نے کہا کہ ہم نے سب کو پیغام دے دیا ہے۔ اس کیس کی اوپن انکوائری ہو گی اور یہ انکوائری زیادہ دن چلے گی۔ واضح رہے کہ نقیب اللہ محسود ان کاؤنٹر کیس پر چئیرمین بلاول بھٹو زرداری کی ہدایت پر آئی جی سندھ نے ایک انکوائری کمیٹی تشکیل دی تھی۔ کمیٹی میں ایڈیشنل آئی جی ثناء اللہ عباسی ڈی آئی جی سلطان خواجہ اور ڈی آئی جی آزاد خان شامل ہیں جو راؤ انوار سے ان کاؤنٹر سے متعلق تفتیش کریں گے ۔