نیویارک(سی پی پی) اقوام متحدہ میں امریکی مندوب نکی ہیلی نے کہا ہے کہ افغانستان چاہتا ہے کہ طالبان کے ساتھ امن مفاہمتی عمل کو آگے بڑھانے کیلئے عالمی برادری پاکستان پر دباو بڑھائے۔اقوام متحدہ میں امریکی کی مستقل مندوب نکی ہیلی نے سلامتی کونسل کے خصوصی وفد کے ساتھ افغانستان کے 2 روزہ دورے کے بعد نیویارک میں اقوام متحدہ کے دفتر میں صحافیوں سے گفتگو کرتے ہوئے کہا ہے کہ افغان حکام نےمفاہمتی عمل میں
اتفاق رائے کے لیے عالمی برادری سے پاکستان پر دباو بڑھانے کی خواہش کا اظہار کیا ہے جبکہ پاکستان پراپنا رویہ تبدیل کرنے پر بھی زور دیا ہے۔نکی ہیلی کا کہنا تھا کہ اگرچہ افغانستان سمجھتا ہے کہ پاکستان افغانستان کے امن کی پیشکش کی حمایت نہیں کرتا پھر بھی افغان حکومت کو یقین ہے کہ طالبان مذاکرات کی میزپر آجائیں گے۔ افغانستان سمجھتا ہے کہ وہ خطے میں امنکیلئے پاکستان کی طرف 10 قدم بڑھتا ہے اور پاکستان 10 قدم پیچھے ہٹ جاتا ہے۔واضح رہے کہ اقوام متحدہ میں امریکہ کی مستقل مندوب نکی ہیلی سمیت اقوام متحدہ کے سلامتی کونسل کے خصوصی وفد نے افغانستان کا2ر وزہ دورہ کیا ہے، جس میں افغان صدراشرف غنی سمیت دیگر حکام سے ملاقات کی اورافغانستان سمیت خطے کو درپیش سیکیورٹی کے مسائل پر تبادلہ خیال کیا گیا۔
