لاہور ( این این آئی،مانیٹرنگ ڈیسک) 10 جنوری 2018 کو لاہور ائیرپورٹ سے بیرون ملک جانے والی غیر ملکی دوشیزہ کے سامان سے کروڑوں روپے مالیت کی 9 کلو ہیروئن برآمد ہوئی تھی۔یورپی ملک جمہوریہ چیک کی 21سالہ ٹیریزا اینٹی نارکوٹکس فورس کے 2کائونٹربا آسانی پار کرگئی تھی کسٹم حکام کو خاتون پرشک ہوا تو اس کے سامان
سے 9کلو ہیروئن برآمد ہوئی ، جس کی مالیت بین الاقوامی مارکیٹ میں کروڑوں روپے بتائی گئی تھی۔ ۔کسٹم حکام کے مطابق 21 سالہ خاتون کا تعلق یورپی ملک چیک جمہوریہ سے ہے اور اس کے ویزے پر نام ٹیریزا درج ہے جب کہ خاتون فیملی ویزے پر پاکستان آئی تھی ۔نجی ٹی وی کے مطابق دوران تفتیش ماڈل کا کہنا تھا کہ اسلام آباد اور لاہور سے پہلے بھی منشیات لے جاتی رہی ہوں۔ منشیات فرانس اٹلی اور ڈبلن اسمگل کیں۔ لیکن لندن لے جاتے ہوئے پکڑی گئی۔ میرے پاس لندن میں مقیم ایک شخص کی تصویر ہے جس سے بات چیت ہوتی ہے ۔ہر چکر پر مجھے پانچ سے ساڑھے پانچ ہزار یورو ملتے تھے اور یہ مجھے وہاں ملتے تھے جہاں منشیات پہنچانی ہوتی تھیں ۔نجی ٹی وی کے مطابق زیر حراست غیر ملکی ماڈل کو 24 جنوری کو دوبارہ عدالت کے سامنے پیش کیا جائے گا۔
