اسلام آباد (مانیٹرنگ ڈیسک )جب سے عمران خان کی تیسری شادی کی خبریں منظر عام پر آئی ہیں ملک بھر میں بس یہی موضوع بحث ہے۔ انگریزی اخبار کے مطابق عمران خان نے تیسری خفیہ شادی اپنی پیرنی سے کی ہے ۔رپورٹ کے مطابق نکاح کی تقریب یکم جنوری کو لاہور کے پوش علاقے ڈیفنس کے سیکٹر وائی میں دلہن کے قریبی دوست کے گھر میں منعقد ہوئی ،یہ پی ٹی آئی رہنما کے بھی قریبی دوست کا گھر تھا ۔بتا یا جا رہا ہے کہ عمران
خان نے یکم جنوری کی شب لاہور میں خاتون سے شادی کر کے سال نو کا آغاز کیا اور سہاگ رات وہاں گزا رنے کے بعد اگلے ہی سیدھے اسلام آباد میں انسداد دہشت گردی کی عدالت پہنچ گئے جہاں سے انہیں ضمانت مل گئی ۔ واضح رہے کہ عمران خان نے پہلی شادی 16 مئی 1995 کو جمائما خان سے کی جو 9 برس بعد 22 جون 2004 کو طلاق پر ختم ہوئی۔ ان کی دوسری شادی ٹی وی اینکر ریحام خان سے ہوئی جو بمشکل ہی 10 ماہ چل پائی۔
