اسلام آباد (آئی این پی) وفاقی حکومت نے ممنوعہ بور اسلحہ کے لائسنسوں کیلئے نیا ہدایت نامہ جاری کر دیا،جس کے مطابق خودکار اسلحہ کوغیر خودکار اسلحہ میں تبدیل کرانا ہو گا،31جنوری 2018تک آٹومیٹک اسلحہ کو نان آٹو میٹک اسلحہ میں تبدیل نہ کرانے والوں کے لائسنس منسوخ تصور کئے جائیں گے۔ وزارت داخلہ کی طرف سے جاری ہدایت نامے کے مطابق ممنوعہ بور اسلحہ کا لائسنس رکھنے والوں کو اپنی بندوق یا پستول کو آٹومیٹک سے نان آٹومیٹک میں تبدیل کرانا ہو گا،اس کیلئے اسلحہ ڈیلر سے نان آٹومیٹک

کی رسید بھی حاصل کرنا ہو گی،جو شہری رضاکارانہ طور پر اپنا آٹومیٹک اسلحہ حکومت کو جمع کروانا چاہتے ہیں وہ متعلقہ ڈپٹی کمشنر، ڈی سی اواور پولیٹیکل ایجنٹ کے دفاتر میں رابطے کریں، آٹومیٹک بندوق جمع کروانے والوں کو50ہزارروپے جبکہ پسٹل جمع کروانے والوں کو 20ہزار روپے ملیں گے،31جنوری 2018تک آٹومیٹک اسلحہ کو نان آٹو میٹک اسلحہ میں تبدیل نہ کرانے والوں کے لائسنس منسوخ تصور کئے جائیں گے۔ہدایت نامے کا اطلاق قانون نافذ کرنے والے اداروں اور سرکاری و حکومتی اداروں پر نہیں ہو گا۔(اح+آچ)