اسلام آباد(مانیٹرنگ ڈیسک) سابق وزیراعظم نوازشریف کی صاحبزادی مریم نواز اور تحریک انصاف کے رہنما جہانگیر ترین کے درمیان لفظی جنگ شروع ہوگئی۔ لیگی رہنما نے پی ٹی آئی کے سابق جنرل سیکرٹری کے خلاف کیس نیب کو نہ بھجوانے پر سوالات اٹھا دیئے۔ تفصیلات
کے مطابق اتوار کو سابق وزیراعظم کی صاحبزادی مریم نواز نے سماجی را بطوں کی ویب سائٹ ٹوئٹر پرپاکستان تحریک انصاف کے سابق جنرل سیکرٹری پر الزام عائد کرتے ہوئے کہا کہ جہانگیر ترین کا جرم بیٹے سے تنخواہ نہ لینا نہیں بلکہ اختیارات کے ناجائز استعمال سے کاروبار پھیلانا ہے مشرف دور میں بطور وزیر اختیارات کا ناجائز استعمال ثابت ہوگیا، جہانگیر ترین کے احتساب کا راستہ کس نے روکا ؟، انسائیڈر ٹریڈنگ میں فراڈ کے اعتراف پر جہانگیر ترین کا کیس نیب کو کیوں نہیں بھیجا گیا ؟۔دوسری جانب مریم نواز کے تابڑ توڑ وار پر پاکستان تحریک انصاف کے سابق جنرل سیکرٹری جہانگیر ترین بھی میدان میں آ گئے، ان کا کہنا تھا کہ انہوں نے اپنی لندن والی جائیداد کی مکمل منی ٹریل دی جبکہ نواز شریف جعلی خط پیش کرتے رہے، جہانگیر ترین کا اس حوالے سے کہنا تھا کہ ان کے کیس کا نواز شریف کے ساتھ موازنہ مضحکہ خیز ہے، کوئی محترمہ کو عدالتی فیصلے کا اردو ترجمہ ہی کرا دے۔ نوازشریف کی صاحبزادی مریم نواز اور تحریک انصاف کے رہنما جہانگیر ترین کے درمیان لفظی جنگ شروع ہوگئی۔
