کراچی(این این آئی)ایم کیو ایم کے بانی رہنماسلیم شہزاد نے ایک بار پھرنئی سیاسی جماعت بنانے کا اعلان کرتے ہوئے کہاہے کہ ہمارے دروازے سب کے لئے کھلے ہیں۔ 16دسمبرکو اورنگی میں جلسہ کریں گے۔میڈیا سے بات چیت میں سلیم شہزاد نے کہا کہ ہماری پارٹی میں چائناکٹنگ والے ہوں گے نہ ٹارگٹ کلر اور نہ ہی ہماری پارٹی میں ڈرائی

کلین والے شامل ہوں گے۔انہوں نے کہاکہ آئندہ عام انتخابات میں اورنگی ٹاؤن سے میں خودالیکشن لڑوں گاجبکہ کراچی کے باقی حلقوں سے بھی اپنی پارٹی کے امیدوار کھڑے کیئے جائیں گے۔اس سے قبل جولائی میں بھی سلیم شہزاد نے نئی سیاسی جماعت بنانے کا اعلان کرتے ہوئے کہا تھا کہ سیاست میں ہلچل مچا کر گیا تھا اب نئی جماعت بنا کر پھر ہلچل مچاؤں گا، عوامی خدمت اور قوم کے بہتر مفاد کو مدنظر رکھتے ہوئے نئی جماعت بنانے کا فیصلہ کیا۔سیاسی جماعت کا نام کیا ہوگا یہ آئندہ چند روز میں فیصلہ کرلیا جائے گا، متحدہ کی موجودہ قیادت میں سب سے سینئر ہوں اس لیے خود کسی سے رابطہ نہیں کروں گا البتہ ایم کیو ایم پاکستان یا کسی اور جماعت کے رہنما نے شمولیت کے لیے بات کی تو ضرور کروں گا۔

موضوعات:سلیم شہزاد