اسلام آباد (مانیٹرنگ ڈیسک) سابق وزیراعظم میاں محمد نواز شریف نے اپنی 400 ایکڑ کی اراضی فروخت کر دی، تفصیلات کے مطابق ایک نجی ٹی وی چینل کے پروگرام میں معروف صحافی غلام حسین نے کہا کہ یہ خبر ہم ہفتہ پہلے دے چکے ہیں کہ میاں نواز شریف نے پراپرٹی کے ایک بڑے کرتا دھرتا کو رائے ونڈ کے علاقے میں اپنی 400 ایکڑ اراضی فروخت کر دی ہے
اور اس کی رقم انہوں نے 10 ارب سے زیادہ لندن میں وصول بھی کر لی ہے۔ معروف صحافی نے گفتگو کرتے ہوئے کہا کہ میاں خاندان کی اہم شخصیات ڈیلروں سے جائیداد بیچنے کے لیے رابطہ کر رہے ہیں، ان کا کہنا ہے کہ ہم اپنی جائیداد بیچنا چاہتے اور مارکیٹ سے سستی دے دیں گے، اس سب کام کے لیے دو سیٹ ہیں، ایک یہاں ہے جس کو یہ کہہ رہے ہیں کہ آپ دو سو کنال لے یا تیس کنال لے لو وہ اس جائیداد کو اونے پونے بیچنا چاہ رہے ہیں اور ایک سیٹ کو باری باری بلایا جا رہا ہے کہ اور ان سے کہا جا رہا ہے کہ آپ ہماری جائیداد جتنی جلدی ہو سکے بیچ دیں اس فروخت کے تمام سودے کیش میں ہوں قسطوں میں کوئی سودا نہیں ہوگا جو کیش لے کر آئے گا اسے پانچ دس کروڑ رعایت دے دیں گے اور دوسرا سیٹ وہ ہے جو وہ لوگ ہیں جو پوری دنیا میں انویسٹمنٹ کو دیکھتے ہیں، ان سے علیحدہ میٹنگ کی جا رہی ہیں، خاص کر یوکرین، سپین اور آئرلینڈ میں دلچسپی ظاہر کی جا رہی ہے کہ اگر ہم وہاں پیسہ لگائیں تو وہ لوگ نہ تو پیسہ ضبط کرتے ہیں اور نہ ہی ظاہر کرتے ہیں اور میاں نواز شریف اگر وہاں سیٹل ہو جائیں تو ان کے لیے بہتر ہے حالانکہ یہ لوگ خود بھی اپنی جائیدادیں بیچ کر وہاں شفٹ ہونا چاہتے ہیں۔
