لاہور(مانیٹرنگ ڈیسک)حکمران جماعت پاکستان مسلم لیگ (ن) کی قیادت اس وقت نیب کیسز میں بری طرح سے پھنسی ہوئی ہے کچھ روز قبل یہ اطلاعات موصول ہو رہی تھیں کہ مسلم لیگ (ن )کے 70سے زائد ارکان مسلم لیگ ن کو خدا حافظ کہنے جا رہے ہیں لیکن پھر اچانک سے خاموشی ہو گئی اور ارکان اسمبلی کے 160ممبرز نے دوبارہ سے نواز شریف کے پارٹی صدر رہنے کی حمایت میں ووٹ بھی دیا ۔سینئرتجزیہ کاراور اینکر پرسن رؤف کلاسرا نے کہا ہے کہ

وزیر اعلی پنجاب شہباز شریف نے ارکان اسمبلی کو دوسری پارٹیوں میں جانے سے روکنے اور اپنے ساتھ رکھنے کے لئے لیپ ٹاپ سکیم اور صاف پانی پراجیٹ کے لئے 90کروڑ روپے ارکان اسمبلی میں بانٹ دیئے ہیں جس کے لئے انہوں نے دستاویزات بھی دکھائی۔واضح رہے کہ مسلم لیگ ن پر اس سے پہلے بھی ارکان مسلم لیگ ن کے ارکان اسمبلی میں کروڑوں روپے  تقسیم کرنے کی خبریں زیر گردش رہی ہیں جس پر تحریک انصاف کی جانب سے شدید ردعمل سامنے آیا تھا۔