اسلام آباد(مانیٹرنگ ڈیسک) پورے ملک میں عام انتخابات کی تیاریاں زور و شور سے جاری ہیں ۔نئے نئے اتحاد بن رہے ہیں ،جوڑ توڑ بھی جاری ہے ۔نجی ٹی وی مشرق نیوز کے مطابق وزیر اعلیٰ پرویز خٹک نے عام انتخابات مین اپنے بیٹے اورداماد کوبھی الیکشن لڑانے کافیصلہ کرلیا ہے،ذرائع کے  مطابق خیبر پختونخوااسمبلی کے حلقوں سے مالی

لحاظ سے مستحکم اور شخصی ووٹ بینک رکھنے والی شخصیات کو انتخابی میدان میں اتارا جائے گا اور چارسدہ سے موجودہ 2ایم پی ایز کوآئندہ عام انتخابات میں تحریک انصاف کے ٹکٹ پر میدان میں اتارنے کی یقین دہانی بھی کرائی جاچکی ہے جبکہ  وزیراعلیٰ خیبر پختونخواہ پرویز خٹک اس بار چارسدہ سے اپنے داماد سابق سینیٹر عدنان خان کو بھی تحریک انصاف کے ٹکٹ سے میدان میں اتارنے کے خواہشمند ہیں تاہم وزیر اعلیٰ کے صاحبزادے اسحاق خٹک نوشہرہ سے اس بار تحریک انصاف کے ٹکٹ پر میدان میں اتریں گے۔واضح رہے کہ اس سے پہلے تحریک انصاف موروثی سیاست کے انتہائی سخت خلاف رہی ہے لیکن اس فیصلے کے بعد ان کے دعوئوں کا پول کھل گیا ہے ۔