اسلام آباد(مانیٹرنگ ڈیسک)مریم نوازآپ صبح اپنے شوہر کیپٹن ریٹائرڈ صفدر کے ہمراہ اسلام آباد پہنچیں جہاں کیپٹن ریٹارئرڈ صفدر کو گرفتار کرلیا گیا جہاں 50 لاکھ کے ضمانتی مچلکے جمع کرانے کے بعد انہیں رہا کردیا گیا۔ میڈیا رپورٹس کے مطابق لندن سے روانگی سے پہلے مریم نواز نے تین ائیر لائنز سے ٹکٹیں بک کرائیں،تینوں میں سیٹیں کنفرم تھیں ،پہلی ائیر لائن پی آئی اے ،جبکہ دو نجی ائیر لائنز کی ٹکٹیں بک کر وائیں گئیں،
مریم نواز آخری وقت تک آنے کے معاملات کو خفیہ رکھنا چاہتی تھی کہ ائیر پورٹ پر اترنے کے بعدکیپٹن(ر) صفدر کو گر فتار نہیں کیا جائے گا اور جب تک ان کو مکمل یقین دہانی نہیں ہو گی تب تک انہوں نے ٹکٹیں کنفرم ہونے کے باوجو د بھی اڑان نہیں بھری ،اطلاعات کے مطابق پی آئی کی پہلی فلائٹ پی کے 786جو اتوار کی صبح 6بج کر 50منٹ پر اسلام آباد ائیر پورٹ پر اترنی تھی اور اگر اس موقع پر کیپٹن (ر)صفدر کو گرفتار کر لیا جاتا تو ہفتہ وار چھٹی ہونے کے باعث صمانت لینے کے لئے مشکلات کا سامنا ہوتا ،اس لئے پی آئی اے کی فلائٹ کو چھوڑ کر موجودہ فلائٹ کا انتخاب کیا گیا ۔وزیر اعظم کی صاحبزادی مریم نواز کو اس بات کا بھی اندیشہ تھا کہ ملک کے اندر مختلف حلقوں کی جانب سے آنے والے دباؤ کے باعث لیگی وزرا بھی شاید بے بس ہو جائیں اور گرفتاری کو رکوانے کے لئے اپنا کردار ادا نہ کر سکیں۔واضح رہے کہ حسن اور حسین نواز آج احتساب عدالت میں پیش نہیں ہوئے۔جبکہ سابق وزیر اعظم نوازشریف پر فرد جرم عائد کرنے کیلئے 13 اکتوبر کی تاریخ مقرر کی گئی ہے۔
