اسلام آباد(آن لائن)سنگل بیڈ،اٹیچ باتھ،فراٹے مارتے پنکھے والے کمرے میں سابق وزیراعظم نواز شریف کے داماد کیپٹن صفدر کی نیب حراست میں پہلی رات کومہمان نوازی ہوئی ہے۔ذرائع کے مطابق نیب میں متعدد کمرے ایسے تیار کیے گئے ہیں جہاں کرپشن میں ملوث ملزمان کو تفتیش کے لیے رکھا جاتا ہے ،گزشتہ شب نیب نے اپنے نئے دفتر میں پہلی بار نواز شریف کے داماد کیپٹن ریٹائرڈ صفدر کو ایک ایسے کمرہ میں رکھا گیا ہے

جہاں ایک بیڈ،اٹیچ باتھ اور تیز رفتارپنکھے کے ساتھ رات چند گھنٹے تک ٹھہرایا گیا تھا ،بتایا جا رہا ہے کمرہ میں ایک چھوٹی میز،اور سنگل سیٹ صوفہ بھی موجود ہے ،جبکہ فریج اور ٹی وی کی سہولت میسر نہیں تھی۔دریں اثناء نیب عدالت میں پیشی سے قبل نااہل وزیر اعظم میاں محمد نواز شریف کے داماد کیپٹن ریٹائرڈ صفدر کا مکمل طبی معائنہ کرایا گیا ہے ،کیپٹن ریٹائرڈ صفدر نے سوموار کو گیس اور متلی آنے کی شکایت کی تھی جس کے پیش نظر نیب نے فوری طور ایک ڈاکٹر کوبلا کر طبی معائینہ کرایا اور فٹنس کا سرٹیفیکٹ حاصل کیا ہے ۔نیب کو خدشہ تھا کہ حکومت کی جانب سے میڈیکل چیک اپ کے حوالے سے عدالت سے ملزم کیپٹن صفدر کو حاصل نہ کرے جس کے پیش نظر طبی معائینہ کرایاگیا۔

موضوعات:کیپٹن ریٹائرڈ صفدر