اسلام آباد (مانیٹرنگ ڈیسک)سینئر صحافی اور تجزیہ کار چوہددری غلام حسین نے نجی ٹی وی چینل کے پروگرام میں گفتگو کرتے ہوئے کہا انکشاف کیا کہ مسلم لیگ (ن) نےعدلیہ اور فورسز کے خلاف گھناﺅنی سازش کی۔ انہوں نے احتساب عدالت کے باہر رینجرز کو خود ہی بلایا اور کہا کہ رینجرز عدلیہ کا تحفظ کرے اور بعد ازاں خود ہی واویلا کر دیا۔ ڈی جی رینجرز پنجاب اس وقت بارڈر پر پھر رہے تھے۔ لیکن یہ چاہتے تھے کہ
ڈی جی رینجرز کو طلب کریں اور فارغ کر دیں۔ پھر کسی نے ان کو بتایا کہ ڈی جی رینجرز سیالکوٹ کے بارڈر پر جہاں فائرنگ ہوئی، وہاں دشمن کو دو ٹوک جواب دینے جائیں یا آپ کے سامنے پیش ہو جائیں۔غلام حسین نے پروگرام میں بات کرتے ہوئے مزید کہا کہ سابق وزیر اعظم میاں نوا ز شریف کی والدہ بھی لندن جا رہی ہیں، جبکہ ان کے داماد کیپٹن ریٹائرڈ صفدر انتہائی خوفزدہ ہیں۔ انہوں نے کہا کہ مریم نواز اپنے والد کو کہتی ہیں کہ آپ نے بڑی حکومت کر لی ہے، اب آپ کو چاہئیے کہ آپ ڈٹ جائیں اور ایسا بندو بست کریں کہ فوج اور ججز کو شکست ہو جائے تاکہ ہم جب دوبارہ حکومت میں آئیں تو کھُل کر جو چاہیں کریں اور پیچھے مڑ مڑ کر نہ دیکھیں۔ان کا کہنا تھا کہ اسی پر اب نواز شریف بھی وہی باتیں کر رہے ہیں۔غلام حسین نے دعویٰ کیا کہ تین دن قبل انہوں نے میرے کان میں کہا کہ اس ملک میں مارشل لا لگوا دیں۔ پروگرام کے دوران مزید باتیں کرتے ہوئے انہوں نے بتایا کہ پاک فوج اس ملک کے سسٹم کو چلانا چاہتی ہے۔اطلاعات کے مطابق آرمی چیف نے کابل میں مزید دورہ کرنا تھا لیکن وہ واپس آئے اور کور کمانڈر کانفرنس ہوئی۔چوہدری غلام حسین نے پروگرام کے دوران مزید کیا باتیں کیں آپ بھی دیکھئے
