اسلام آباد(مانیٹرنگ ڈیسک)اسلام آباد کی قائد اعظم یونیورسٹی میں طلبہ کو مفت شراب کی فراہمی کا انکشاف ہوا ہے ۔روزنامہ نیا اخبار کے مطابق تعلیمی اداروں سے متعلق سیمینار میں پروفیسر ڈاکٹر وقار شاہ نے انکشاف کیا کہ قائد اعظم یونیورسٹی میں ڈرگ مافیا کی جانب سے طلبہ کو مفت شراب مہیا کی جاتی ہے ۔انہوں نے بتایا کہ ہمیں اطلاع ملی کہ یونیورسٹی میں داخل ہونے والی ایک گاڑی میں شراب کی بوتلیں موجود ہیں
جسے چیک کیا گیا تو گاڑی میں شراب کی بوتلیں موجود تھیں جو طلبہ کو مفت فراہم کی جانی تھیں ۔تاہم بعد میں پتہ چلا کہ ملزمان گاڑی سمیت اوپر پہاڑی سے ہزارہ کی جانب فرار ہوگئے ہیں ۔وی سی قائد اعظم یونیورسٹی ڈاکٹر جاوید اشرف نے جامعہ میں منشیات کی سپلائی نہ رکنے کی وجہ بتاتے ہوئے کہا کہ یونیورسٹی کی دیواریں وسیع احاطے پر مشتمل ہیں جس کے باعث ڈرگ مافیا کے کارندوں کو روکنا آسان نہیں ۔انہوں نے کہا جامعہ کراچی کے واقعے کے بعد انتظامیہ نے طلبہ پر نظر رکھی ہوئی ہے اور ہاسٹلز میں غیر قانونی طور پر قیام پذیر طلبہ کو نکال دیا گیا ہے۔
