اسلام آباد(ایکسکلوژو رپورٹ) نجی ٹی وی پروگرام میں سینئر سیاستدان اعتزاز احسن نے تہلکہ خیز انکشافات کر دیئے۔ تفصیل کے مطابق نجی ٹی وی پروگرام میں گفتگو کرتے ہوئے سینئر سیاستدان نے انکشاف کیا کہ سینیٹ میں اپوزیشن لیڈر اور پیپلز پارٹی کے رہنما اعتزاز احسن نے کہا ہے کہ ڈان میں فوج اور حکومت سے متعلق خبر کے پیچھے حکومت کے 5 دماغ ہیں۔ گفتگو میں انہوں نے کہا کہ انگریزی اخبار کی اسٹوری کے پیچھے وزیراعظم نوازشریف سمیت پانچ دماغ ہیں۔ ان میں پرویز رشید، اسحق ڈار، چوہدری نثار ، شہباز شریف اور نواز شریف شامل ہیں، ان دماغوں نے مل کر فیصلہ کیا کہ یہ اسٹوری فیڈ کرنی ہے۔اعتزاز احسن نے کہا کہ اسٹوری کے لیے ڈان اخبار کو اس لیے منتخب کیا گیا وہ عالمی سطح پر پیغام پہنچ جائے جب کہ اسٹوری فیڈ کرنے میں پرویز رشید کی بجائے چودھری نثارکا کردار لگتا ہے۔اعتزاز احسن نے کہا کہ جب پرویز رشید نے یہ خبر فیڈ کروائی تو ڈان نے ذرائع کے ذریعے چوہدری نثار سے خبر کی تصدیق کروائی کہ میٹنگ میں یہ سب کچھ ہوا ہے۔ جب ان ذرائع نے یہ خبر کنفرم کر دی تو پھر یہ خبر ڈان نے لگائی۔

Aitzaz Ahsan Reveals The Names Of People… by aman57