اسلام آباد(مانیٹرنگ ڈیسک )وفاقی حکومت نے سپریم کورٹ میں تحریک انصاف سے قانونی جنگ لڑنے کا فیصلہ کرلیاایک نجی ٹی وی کے مطابق وزیراعظم نواز شریف کی زیرصدارت سیاسی اجلاس میں فیصلہ کیا گیا کہ وزیراعظم سینئر وکلاء کی ٹیم تشکیل دے کر مشاورت کریں گے۔ذرائع کے مطابق تحریک انصاف نے سپریم کورٹ میں وزیر اعظم کے خلاف پانامہ پیپرز سے متعلق پٹیشن دائر کر رکھی ہے، معاملہ وزیراعظم نوازشریف کی زیرصدارت سیاسی صورتحال پر ہونے والے اجلاس میں بھیزیر غور آیا، وزیراعظم کو وفاقی وزراء اور سینئرپارٹی رہنماؤں نے مشورے دیے اور فیصلہ ہوا کہ عدالت عظمیٰ میں قانونی جنگ بھرپورانداز میں لڑی جائے۔ذرائع کا کہنا ہے کہ وزیراعظم نوازشریف سینئر وکلاء کی ٹیم تشکیل دے کر مشاورت کریں گے، شرکاء کا کہنا تھا کہ وزیراعظم کانام توپانامالیکس میں ہے ہی نہیں،تو ڈر کس بات کا؟پانامالیکس کے معاملےپرسب سےپہلےخودحکومت نےسپریم کورٹ سےرجوع کیا ،پی ٹی آئی کی پٹیشن کو سننے کا عدالتی فیصلہ حکومتی موقف کی تائید ہے، پہلے جوڈیشل کمیشن نےدھاندلی کےالزامات دھوئے، اب بھی قانونی جدوجہد سے حکومتی مؤقف کی فتح ہوگی۔بعض شرکاء نے تشویش کا اظہارکرتےہوئےکہاکہ ملک میں سیاسی صورت حال خراب کرنےکی کوشش کی جارہی ہے۔اجلاس میں مسلم لیگ ن کی سینئر قیادت نے وزیراعظم نوازشریف پر اعتماد کا اظہار کیا، وزیراعظم نے کہا کہ ہرتین سال بعد پارٹی انتخابات کےجمہوری عمل کا منتظر رہتا ہوں، پارٹی انتخابات جمہوریت کے استحکام کا باعث ہیں۔وزرانے وزیراعظم نوازشریف کومشورہ دیاکہ آپ کانام توپاناما لیکس میں ہے ہی نہیں تو ڈر کس بات کا ؟اس لئے تحریک انصاف کاہرمحاذپربھرپورمقابلہ کرسکتے ہیں ۔

موضوعات:پی ٹی آئی وفاقی حکومت