اسلام آباد(مانیٹرنگ ڈیسک) نجی ٹی وی پروگرام میں سینئر صحافی نے تہلکہ خیز انکشافات کر دیئے۔ نجی ٹی وی پروگرام میں گفتگو کرتے ہوئے سینئر صحافی نے انکشاف کیا کہ لاہور میں LDA پلازہ کا ریکارڈ جلایا گیا جس میں کرپشن کے ثبوت موجود تھے۔ اب اسی طرح نندی پور پاور پراجیکٹ جو بری طرح ناکام ہو چکا ہے اور اس میں قوم کا اربوں روپے کا پیسہ برباد ہو کر رہ گیا ہے اس کے ریکارڈ کو بھی دانستہ نذر آتش کر دیا گیا ہے۔ کرپشن کے تمام ثبوت مٹانے کیلئے اور بڑے بڑے دفاتر کے ریکارڈ جلا دیئے جائیں گے۔ نجی ٹی وی پروگرام میں سینئر صحافی صابر شاکر نے دعویٰ کیا کہ حکومت اس بات سے خائف ہے کہ کراچی کی طرح کسی بھی وقت پنجاب میں بڑا آپریشن شروع ہو سکتا ہے اور کرپشن کے ثبوت سامنے آ سکتے ہیں ۔ اس لئے ہر وہ ریکارڈ جلایا جا رہا ہے جس سے کرپشن کرنے والوں کو شدید مشکلات ہو سکتی ہیں۔ کرپشن کے ڈاکومنٹس کو احتسابی اداروں سے بچانے کیلئے بڑی گیم کھیلی جا رہی ہے۔ یہ کیسے ہو سکتا ہے ہے کہ ہر اس جگہ آگ لگ جائے اور ریکارڈ جل جائے جہاں ترقیاتی کاموں کا تمام ریکارڈ موجود ہو؟