اسلام آباد(نیوزڈیسک)وفاقی وزیر اطلاعات و نشریات سینیٹر پرویز رشید نے کہا ہے کہ سانحہ بڈھ بیر پشاور میں افغان باشندوں کے ملوث ہونے کے شواہد افغانستان کی حکومت کو پیش کیے جائینگے ۔ دنیا کو دہشت گردی کیخلاف تحفظ دیا۔ عالمی برادری سے دہشت گردی کیخلاف ڈومور کا مطالبہ کرتے ہیں۔ این اے 122 کے ضمنی انتخاب میں کام کرنے اور الزام لگانے والوں کے درمیان مقابلہ ہوگا۔ ضمنی انتخابات میں چیئرمین تحریک انصاف انارکی پھیلانا چاہتے ہیں۔ اگر عمران خان ضابطہ اخلاق کی پابندی نہیں کرینگے تو انتخاب نہیں دنگل ہوگا۔ان خیالات کا اظہار انہوں نے اتوار کو پی آئی ڈی کے میڈیا سنٹر میں پریس کانفرنس سے خطاب کرتے ہوئے کیا۔ سینیٹر پرویز رشید نے کہا کہ سانحہ بڈھ بیر پشاور میں مادر وطن کے دفاع کے لیے جن جوانوں نے شہادتیں دی ہے پوری قوم اپنے شہداء کو خراج عقیدت پیش کرتی ہے۔پاکستان سے دہشتگردی کا خاتمہ اسی وقت ہوسکتا ہے جب پڑوسی ملک بھی دہشتگردی کے خاتمے میں اپنا کردار ادا کریں۔ انہوں نے کہا کہ دہشت گردی عالمی مسئلہ ہے ۔ عالمی برادری کو ابھی مزید کچھ کرنا ہے ۔ آئی ایس پی آر نے پریس کانفرنس میں سانحہ بڈھ بیر کے حوالے سے شواہد کی تفصیلات جاری کی ہیں ۔ ان شواہد کو افغان حکومت کے سامنے پیش کیا جائیگا۔ تاکہ ان دہشت گرد عناصر سے نمٹا جاسکے جو اس میں ملوث ہے تمام ممالک کو دنیا کو دہشت گردی سے محفوظ اور پر امن دنیا بنانے کے لیے تعاون کرنا چاہیے۔انہوں نے کہا کہ انتخابی ضابطہ اخلاق میں تبدیلی کے تحت کوئی ایم این اے بھی انتخابی مہم میں حصہ نہیں لے سکتا۔ عمران خان بھی