اسلام آباد(نیوزڈیسک)اپوزیشن کی غیر موجودگی میں قومی اسمبلی نے آیندہ مالی سال کیلئے وفاقی بجٹ کی منظوری دیدی۔ اسپیکر ایاز صادق کی زیر صدارت اجلاس میں فنانس بل کی شق وار منظوری دی گئی ، اپوزیشن ارکان کی ترامیم ان کی غیر موجودگی کی وجہ سے پیش نہ کی جاسکیں۔ گزشتہ روز لوڈشیڈنگ کے معاملے پر علامتی واک آوٹ کے دوران مطالبات زر کی منظوری دی گئی، جس پراحتجاجاً اپوزیشن نے آج بھی اجلاس کا بائیکاٹ کردیا۔ حکومت کی اپوزیشن کو مناکر ایوان میں لانے کی کوشش کامیاب نہ ہوسکی۔قومی اسمبلی میں اپوزیشن جماعتوں نے بجٹ اجلاس کا بائیکاٹ کرتے ہوئے کراچی میں سیکڑوں افراد کی ہلاکت پر جمعہ کو یوم سوگ منانے کا اعلان کر دیا ہے۔ اپوزیشن لیڈر خورشید شاہ نے پانی وبجلی کےوفاقی وزیراوروزیرمملکت استعفٰے کامطالبہ کردیا۔اپوزیشن سیاسی جماعتوں کا اجلاس پارلیمنٹ ہاوس میں خورشید شاہ کی زیر صدارت ہوا۔ حزب مخالف رہنماوں نےکہاکہ گرمی اور لوڈشیڈنگ سے ہلاکتیں بڑا واقعہ ہے اورذمہ داروفاقی حکومت ہے ، بعدمیں اپوزیشن ارکان نے پارلیمنٹ کے احاطے میں جاں بحق افراد کی غائبانہ نماز جنازہ بھی ادا کی۔ اس میں خورشید شاہ ، شاہ محمود قریشی،غلام احمد بلور ،شیخ رشید احمد ،عارف علوی، اافتاب احمد شیر پاو اور عبد الرشید گوڈیل سمیت دیگرشریک ہوئے۔اس موقع میڈیا سے گفتگو میں اپوزیشن لیڈرخورشیدشاہ نے خواجہ آصف اورعابدشیرعلی کےاستعفٰے کامطالبہ کردیا۔ خورشید شاہ کاکہناتھاکہ کاش افتخار چوہدری ہوتے تو کم از کم واقعہ کا از خود نوٹس ہی لے لیتے۔ انہوں نےکہاکہ میٹرو اچھی ہے لیکن لوگوں کی جانوں سے زیادہ قیمتی نہیں، اس معاملےپر قومی اسمبلی میں بھرپوراحتجاج کرینگے۔قائدحزب اختلاف خورشید شاہ نے بتایاکہ حکومت نے بجٹ میں اپوزیشن کی کٹوتی کی تحاریک شامل نہ کرنے کی غلطی پرمعافی مانگ لی ہے، اب اپوزیشن قومی اسمبلی کےاآئندہ اجلاس میں شرکت کریگی۔