اسلام آباد(نیوزڈیسک) پاکستان کے مختلف صوبوں بالخصوص بلوچستان اورسندھ کے اندر دہشتگردوں کواسحلہ فراہم کرنے کے لئے بھارتی خفیہ ادارے اپنے ماہی گیروں کواستعمال کررہے ہیں ۔پاکستانی ماہی گیروں نے ویڈیو بناکرپاکستانی اداروں کے حوالے کردی ہے ۔بھارت کی طرف سے پاکستان کے اندر دہشتگردوں کواسحلہ کی سپلائی روکنے کے لئے سمندری حدود میں سخت اقدامات شروع کردیئے گئے ہیں ۔حساس اداروں نے اس حوالے سے ایک رپورٹ جاری کردی ہے ۔ذرائع کے مطابق اس رپورٹ میں کہاگیاہے کہ بھارت سے ماہی گیروں کے بجائے ماہی گیروں کے رو پ میں بھارتی خفیہ ایجنسیاں اوران کی فوج کے لوگ شامل ہیں جوبلوچستان کی سمندری حدود کے قریب لگنے والے علاقوں میں صندوقوں کے اندر بھاری اسلحہ ڈ ال کرسمندرمیں پھینک دیتے ہیں اورجس جگہ اسحلہ پھینکا جاتاہے وہاں ان صندوقوں کے ساتھ ریشمی دھاگہ باندھ دیاجاتاہے اورایک ڈیوائس لگی ہوتی ہے اوراوپرغبارہ بندھاہوتاہے ،ان کی مدد سے اسلحہ مطلوبہ افراد حاصل لرلیتے ہیں ،ذرائع کے مطابق بلوچستان میں اس وقت بھی جواسلحہ دہشتگردی کے لئے استعمال کیاجارہاہے وہ انڈیاساختہ ہے ،