لاہور(نیوزڈیسک) جماعتِ اسلامی کے امیر سراج الحق نے شریف برادران پر تنقید کرتے ہوئے کہا کہ انہوں نے ”مغل طرز حکومت“ اختیار کر رکھا ہے، اور غیرآئینی خطوط پر چلتے ہوئے ملک کے جمہوری اداروں کو تباہ کررہے ہیں۔وہ یہاں ایک تعلیمی ادارے کے افتتاح کے موقع پر خطاب کررہے تھے۔سراج الحق نے کہا کہ جب تک کہ معاشرے میں امیری اور غریبی کی تقیسم، ظالم اور ظلم کا خاتمہ نہیں کیا گیا، اور انصاف کی بنیاد پر نظامِ حکمرانی قائم نہیں کیا گیا، ملک ترقی نہیں کرسکتا۔جماعت اسلامی کے رہنما نے مزید کہا کہ موجودہ نظام غریبوں کے استحصال کی بنیاد پر قائم ہے، جس کی وجہ سے امیر امیر تر اور غریب غریب تر ہوتا جارہا ہے۔انہوں نے کہا کہ ماو¿ں کا اپنے بچوں کے ساتھ نہروں میں چھلانگ لگانے اور والد کے بھوک سے تنگ آکر بچوں کو قتل کرنے کے واقعات معاشرے اور حکومت کے لیے شرم کا باعث ہیں۔جماعت اسلامی کے سربراہ نے کہا کہ یہ بدقسمتی ہے کہ وفاقی بجٹ امیروں کے مفاد کا تحفظ کرتا ہے اور غریبوں کو نظرانداز کردیا گیا ہے۔