کا یقین دلاتا ہوں۔ تحریک انصاف کے ڈپٹی پارلیمانی رہنما شاہ محمود قریشی نے کہا کہ اس فیصلے پر حکومت کو مبارکباد پیش کرتا ہوں، وزیر خزانہ اسحاق ڈار کے پاس خزانے کی ہی نہیں بلکہ مسائل کو حل کرنے کی کنجی بھی ہے۔ سید خورشید شاہ نے کہا کہ میں اپوزیشن کی جانب سے وزیر خزانہ اسحاق ڈار کو دادا بننے پر اور وزیراعظم نواز شریف کو نانا بننے پر مبارکباد پیش کرتا ہوں۔ علاوہ ازیں ایم کیو ایم کے پارلیمانی رہنما عبدالرشید گوڈیل اور جماعت اسلامی کے صاحبزادہ طارق اللہ نے بھی قومی اسمبلی کا بجٹ اجلاس پی ٹی وی پر براہ راست دکھانے کے فیصلے کی تعریف کی۔ اس موقع پر سپیکر سردار ایاز صادق نے قومی اسمبلی کا اجلاس(آج) منگل کی صبح دس بجے تک ملتوی کر دیا۔ واضح رہے کہ اپوزیشن نے قومی اسمبلی کا اجلاس پی ٹی وی پر براہ راست نشر کرنے کا مطالبہ کیا تھا اور اپنے مطالبے کے حق میں ایوان سے واک آﺅٹ کیا، جس پر حکومت اور اپوزیشن میں دو گھنٹے تک مذاکرات جاری رہے جس کے بعد فیصلہ ہوا کہ قومی اسمبلی کا بجٹ اجلاس پی ٹی وی پر براہ راست نشر کیا جائے گا۔